Sau loa oe, e nofo mai i o'u tafatafa You come now, to sit beside me
O le amataga, o si ta mafutaga The beginning, of our relationship
O le lumanai o lo'o saunia mai The future that is being prepared
Mo tatou uma e vaai For all of us to see
Ou te lē iloa po'o ā ni ou lagona pe a e faalogo i le pese lenei. Sa faamanatu mai e seisi uo sa ma ola tuputupu a'e faatasi i totonu o le Ekalesia lenei pese. O se pese sa iloa lelei lava e ia ma sa ou faapea e ese le mālie o le fati o le pese ae o upu fo'i ia, e faamatala mai ai ni mafaufauga o si alii pese ma nisi fo'i o ana ia uso ma le latou va. E mafai ona e manatua le amataga o si mafutaga ma ou uso? A ou mafaufau i lo'u to'alua sa oti i le tausaga 2013, ua valavala nei ma ona uso, vaganā lona uso matua sa tau mulimuli atu ia te ia i tausaga e lua i le maliu foi ma le oti. E lē iloa lava e tatou po o ā foi se lumana'i o lo'o saunia mo i tatou. Afai e te le o mautinoa po o ā ni fuafuaga o lo'o saunia mo oe, saili vave nei se avanoa e te gaioi ma galue mo sou lava lumana'i. 'Aua e te fa'atali i seisi e fesoasoani atu pe a e lē fesoasoani foi i nai ou uso.
Mo nai o'u uso For my brothers/sisters
Se'i faamagalo mai Just forgive me
Mo so'u sese na fai For the wrongdoing I have done
Faamolemole faagalo ita Please forget what I've done
E tele ituaiga uso e mafai ona tatou maua i lenei olaga. O uso sa fanau mai le manava e tasi ma oe, o uso sa fanau eseese ae ua avea ma tagata o le aiga, o uso sa amata mai le mafutaga o lou uo ae e pei lava e foliga o ni uso ona e mafana le mafutaga. Sa e faia se mea ua mafua mai ai le malepe o le mafutaga ma nai ou uso? E faigata i le tele nisi o taimi - ona e tatau ona e taumafai e talanoa lelei ma nai ou uso. E manaomia lava isi e fia pule ma fia avea ma ta'ita'i. A faapea ua e faia se mea sese na leaga ai le lua mafutaga ma lou uso, sema se taimi e fai ai se faaleleiga. Taumafai e talanoa faalelei ma faalogo leisi i leisi. Toaga e mānava lelei ma faalogo po o ā ni upu e mafai ona e tautala ai e faamalulu ai, ma amata ai loa ona faafou lou mafutaga ma lou uso.
Mo nai o'u uso For my brothers/sisters
Se'i faamagalo mai Just forgive me
Mo so'u sese na fai For the wrongdoing I have done
Faamolemole faagalo ita Please forget what I've done
Ua e saili ni avanoa e te faatoese i ou uso mo ni mea sese sa e fai?
Ou te iloa e faigata ona e faatoese i ou uso pe a faapea e te lē masani ona fesili ai i ni ituaiga mea faapena. E leai seisi i le lalolagi atoa lenei e manatu e sesē ni o latou manatu, pe sesē ni mea e fai. E manatu lava tagata o ia lava e sa'o. ma a faapea e sesē, e musu e fa'aali mai ni o latou sesē. A iai ni sesē ua e faia, ni sesē ua afaina ai lou va ma leisi o ou uso a tagata - o ā ni mea ua e faia e faalelei atili le va? O le ā le mea e mafai ona fai pe a faapea ua soli e seisi le va, ae ua faalagolago ia te oe e te teuteu le va na latou solia? E tele tali e fetaui mo lenei fesili, ae ou te lē fia tali lenei fesili - auā e leai se mea aogā e maua e seisi pe a lē taumafai lava e faatino ni ona lava manatu ma faia ni mea e iloa ai sona sesē. E faapea ona e faagalo ni mea sesē ua faia e seisi ia te oe? Malo lava le onosai. Faatuatua pea i le Atua o le ā maua se malologa mai nai ou fa'afitauli i se aso vave nei lava.
O oe o lo'u uso, o lea ou te faatoese ai You are my brother/sister, this is why I confess
Auā ua ou iloa ua na o oe na te faamagalo mai Because I know that only you can forgive me
O le lumanai o lo'o saunia mai The future that has been prepared
Mo tatou uma e vaai For us to see
O ai sou uso? E tele tagata o lo'o taumafai lava ia avea ma se tagata faapitoa faapenā. Ou te lē iloa po o se mea lelei o le lagolago fua i tua atu i tagata e le o sou aiga, ae a faapea o lo'o iai nisi o lo'o fia tauave ma uso, ma tuagane, ma tuafafine mo oe - o ai na te tete'e fua se fesoasoani faapenā? E faigata le iloa pe e mafai ona e talitonu i se tagata o lo'o ta'u mai uma ana galuega lelei e fai, auā ua e faalogo foi i nisi foi tagata e pei o ia, o lo'o folafola mai lona lava lelei, ae e te le'i mautinoa po o se tagata e tau ina talitonu i ai. O oe o lo'o faitau lenei tala i lenei taimi - o oe o so'u uso? Taumafai e va'ava'ai lelei lou faiga uō ma faiga uso ma nisi. E le o e iloa pe o oe o se uso mo aso vale a ea?
Mo nai o'u uso For my brothers/sisters
Se'i fa'amagalo mai Just forgive me
Mo so'u sese na fai For the wrongdoing I have done
Faamolemole faagalo ita Please forget what I've done
Sa e manatua ni taimi sa e fesili i nisi e faamagalo ou agasala? E iai nisi o lo'o leaga latou mea sa faia ae e le o faia se mea e faalelei ai ni mea sesē sa fai. Ou te lē iloa pe e manatu e leai se agasala na faia, leai se mea na faia e faaleaga ai le va ma leisi tagata. E faapefea ona faagalo e tagata ni mea sesē sa e fai? A faapea o se mea sa e faia, ae sā lē afaina nisi tagata - atonu e lē o se mea matuia e maalofia ai ni faaleleiga po o ni ifoga e faatino. O se mea sesē - e tutusa lava pe o se mea tele ua sesē, po o se mea la'ititi e sesē - e tumau lava le sesē. Ou te ata pe a ou mafaufau i le tala o lo'u tamā e fai pe a sesē - "e lē o le sesē, o le sasi". O ā ni mea ua tutupu i lou olaga - e lē o ni sesē, ae o ni sasi?
Mo nai o'u uso For my brothers/sisters
Se'i fa'amagalo mai Just forgive me
Mo so'u sese na fai For the wrongdoing I have done
Faamolemole faagalo ita Please forget what I've done
Ou te manatu ua uma ona ou faatoese i tagata sa sesē ni mea sa ou faia. Ou te lagona fo'i, o le tautala aga'i ou mea sesē, e lē o se mea e ona a'oa'o faalelei ia i tatou a o laiti. Sa ou manatua le a'oa'oina le sesē o ni mea sa fai i totonu o tala o le Tusi Paia. E ta'u mai iina mea e tutupu i tagata o lo'o fiafia e fai tonu sesē, ma mea leaga i latou uso a tagata. Ae faapefea la nisi tagata e fai ni mea sesē, ae na latou lē iloa o ni mea sesē? Pau lava le tali, e faavalevalea lenā tagata pe a? Ae mo le lumana'i, a tatou tauivi mo se taeao manuia, e mana'omia lava le taumafai o tatou ina ia 'aua ne'i faia ni mea sesē i totonu o le matou va ma nisi. E tatau foi ona faamatala lelei i nisi o lo'o faia pea ni mea sesē ae e taumafai lava e fai ni togafiti ina ia lē maua ai latou, tatou iloa lava e leai se mea e lilo ile silafaga paia a le Atua. Toaga e ola i se olaga e faailoa ai i tagata lou loto mamā, lou loto fuatia ifo, ae maise lava o lou loto alofa. A o mai nisi tagata e fa'aleaga la oe, ia liliu atu i ai leisi alafau se'i tofotofo lava i ai. O o'u manatu lava ia mo nai o'u uso. . .
O le amataga, o si ta mafutaga The beginning, of our relationship
O le lumanai o lo'o saunia mai The future that is being prepared
Mo tatou uma e vaai For all of us to see
Ou te lē iloa po'o ā ni ou lagona pe a e faalogo i le pese lenei. Sa faamanatu mai e seisi uo sa ma ola tuputupu a'e faatasi i totonu o le Ekalesia lenei pese. O se pese sa iloa lelei lava e ia ma sa ou faapea e ese le mālie o le fati o le pese ae o upu fo'i ia, e faamatala mai ai ni mafaufauga o si alii pese ma nisi fo'i o ana ia uso ma le latou va. E mafai ona e manatua le amataga o si mafutaga ma ou uso? A ou mafaufau i lo'u to'alua sa oti i le tausaga 2013, ua valavala nei ma ona uso, vaganā lona uso matua sa tau mulimuli atu ia te ia i tausaga e lua i le maliu foi ma le oti. E lē iloa lava e tatou po o ā foi se lumana'i o lo'o saunia mo i tatou. Afai e te le o mautinoa po o ā ni fuafuaga o lo'o saunia mo oe, saili vave nei se avanoa e te gaioi ma galue mo sou lava lumana'i. 'Aua e te fa'atali i seisi e fesoasoani atu pe a e lē fesoasoani foi i nai ou uso.
Mo nai o'u uso For my brothers/sisters
Se'i faamagalo mai Just forgive me
Mo so'u sese na fai For the wrongdoing I have done
Faamolemole faagalo ita Please forget what I've done
E tele ituaiga uso e mafai ona tatou maua i lenei olaga. O uso sa fanau mai le manava e tasi ma oe, o uso sa fanau eseese ae ua avea ma tagata o le aiga, o uso sa amata mai le mafutaga o lou uo ae e pei lava e foliga o ni uso ona e mafana le mafutaga. Sa e faia se mea ua mafua mai ai le malepe o le mafutaga ma nai ou uso? E faigata i le tele nisi o taimi - ona e tatau ona e taumafai e talanoa lelei ma nai ou uso. E manaomia lava isi e fia pule ma fia avea ma ta'ita'i. A faapea ua e faia se mea sese na leaga ai le lua mafutaga ma lou uso, sema se taimi e fai ai se faaleleiga. Taumafai e talanoa faalelei ma faalogo leisi i leisi. Toaga e mānava lelei ma faalogo po o ā ni upu e mafai ona e tautala ai e faamalulu ai, ma amata ai loa ona faafou lou mafutaga ma lou uso.
Mo nai o'u uso For my brothers/sisters
Se'i faamagalo mai Just forgive me
Mo so'u sese na fai For the wrongdoing I have done
Faamolemole faagalo ita Please forget what I've done
Ua e saili ni avanoa e te faatoese i ou uso mo ni mea sese sa e fai?
Ou te iloa e faigata ona e faatoese i ou uso pe a faapea e te lē masani ona fesili ai i ni ituaiga mea faapena. E leai seisi i le lalolagi atoa lenei e manatu e sesē ni o latou manatu, pe sesē ni mea e fai. E manatu lava tagata o ia lava e sa'o. ma a faapea e sesē, e musu e fa'aali mai ni o latou sesē. A iai ni sesē ua e faia, ni sesē ua afaina ai lou va ma leisi o ou uso a tagata - o ā ni mea ua e faia e faalelei atili le va? O le ā le mea e mafai ona fai pe a faapea ua soli e seisi le va, ae ua faalagolago ia te oe e te teuteu le va na latou solia? E tele tali e fetaui mo lenei fesili, ae ou te lē fia tali lenei fesili - auā e leai se mea aogā e maua e seisi pe a lē taumafai lava e faatino ni ona lava manatu ma faia ni mea e iloa ai sona sesē. E faapea ona e faagalo ni mea sesē ua faia e seisi ia te oe? Malo lava le onosai. Faatuatua pea i le Atua o le ā maua se malologa mai nai ou fa'afitauli i se aso vave nei lava.
O oe o lo'u uso, o lea ou te faatoese ai You are my brother/sister, this is why I confess
Auā ua ou iloa ua na o oe na te faamagalo mai Because I know that only you can forgive me
O le lumanai o lo'o saunia mai The future that has been prepared
Mo tatou uma e vaai For us to see
O ai sou uso? E tele tagata o lo'o taumafai lava ia avea ma se tagata faapitoa faapenā. Ou te lē iloa po o se mea lelei o le lagolago fua i tua atu i tagata e le o sou aiga, ae a faapea o lo'o iai nisi o lo'o fia tauave ma uso, ma tuagane, ma tuafafine mo oe - o ai na te tete'e fua se fesoasoani faapenā? E faigata le iloa pe e mafai ona e talitonu i se tagata o lo'o ta'u mai uma ana galuega lelei e fai, auā ua e faalogo foi i nisi foi tagata e pei o ia, o lo'o folafola mai lona lava lelei, ae e te le'i mautinoa po o se tagata e tau ina talitonu i ai. O oe o lo'o faitau lenei tala i lenei taimi - o oe o so'u uso? Taumafai e va'ava'ai lelei lou faiga uō ma faiga uso ma nisi. E le o e iloa pe o oe o se uso mo aso vale a ea?
Mo nai o'u uso For my brothers/sisters
Se'i fa'amagalo mai Just forgive me
Mo so'u sese na fai For the wrongdoing I have done
Faamolemole faagalo ita Please forget what I've done
Sa e manatua ni taimi sa e fesili i nisi e faamagalo ou agasala? E iai nisi o lo'o leaga latou mea sa faia ae e le o faia se mea e faalelei ai ni mea sesē sa fai. Ou te lē iloa pe e manatu e leai se agasala na faia, leai se mea na faia e faaleaga ai le va ma leisi tagata. E faapefea ona faagalo e tagata ni mea sesē sa e fai? A faapea o se mea sa e faia, ae sā lē afaina nisi tagata - atonu e lē o se mea matuia e maalofia ai ni faaleleiga po o ni ifoga e faatino. O se mea sesē - e tutusa lava pe o se mea tele ua sesē, po o se mea la'ititi e sesē - e tumau lava le sesē. Ou te ata pe a ou mafaufau i le tala o lo'u tamā e fai pe a sesē - "e lē o le sesē, o le sasi". O ā ni mea ua tutupu i lou olaga - e lē o ni sesē, ae o ni sasi?
Mo nai o'u uso For my brothers/sisters
Se'i fa'amagalo mai Just forgive me
Mo so'u sese na fai For the wrongdoing I have done
Faamolemole faagalo ita Please forget what I've done
Ou te manatu ua uma ona ou faatoese i tagata sa sesē ni mea sa ou faia. Ou te lagona fo'i, o le tautala aga'i ou mea sesē, e lē o se mea e ona a'oa'o faalelei ia i tatou a o laiti. Sa ou manatua le a'oa'oina le sesē o ni mea sa fai i totonu o tala o le Tusi Paia. E ta'u mai iina mea e tutupu i tagata o lo'o fiafia e fai tonu sesē, ma mea leaga i latou uso a tagata. Ae faapefea la nisi tagata e fai ni mea sesē, ae na latou lē iloa o ni mea sesē? Pau lava le tali, e faavalevalea lenā tagata pe a? Ae mo le lumana'i, a tatou tauivi mo se taeao manuia, e mana'omia lava le taumafai o tatou ina ia 'aua ne'i faia ni mea sesē i totonu o le matou va ma nisi. E tatau foi ona faamatala lelei i nisi o lo'o faia pea ni mea sesē ae e taumafai lava e fai ni togafiti ina ia lē maua ai latou, tatou iloa lava e leai se mea e lilo ile silafaga paia a le Atua. Toaga e ola i se olaga e faailoa ai i tagata lou loto mamā, lou loto fuatia ifo, ae maise lava o lou loto alofa. A o mai nisi tagata e fa'aleaga la oe, ia liliu atu i ai leisi alafau se'i tofotofo lava i ai. O o'u manatu lava ia mo nai o'u uso. . .